د. كمال عبد القادر يكتب: كوثر والزواج سراً

الحاجة كوثر كانت عارفة ان زوجها حاج مدثر متزوج عليها في السر منذ ثلاثة اعوام لكنها ما سألته ابدا.
عمك مدثر كان يجازف ليه ساعة بعد صلاة العشاء عشان يمشي للزوجة الثانية واحيانا يزوغ من المغلق بالنهار.اما المصاريف فكانت تحويلات بنكك بالدس
كوثر عملت رايحة حتي عندما هضرب الحاج وهو نائم وجاب اسم الزوجة التانية ووصفها بالراسطة الواقفة قنا
بعد وفاة حاج مدثر جاءت الزوجة الثانية لتعرف نفسها فقالت كوثر ايوة عارفاك من يوم عرسوك لكن لو سألتو كان موضوعك بقي رسمي وكان حيقسم المبيت بيناتنا ويصرف عليك علني بعدما يقول لي الشرع حلل اربعة

كثير من داعمي الجيش عارفين انو عمك متواصل مع الجماعة في السر وقاعد يطمنهم ويبذل لهم الوعود لكن الداعمين ما سألوه لانهم لو صارحو عمك بي عمايلو حيبدأ يتعامل علني مع الجماعة عشان كدا الداعمين عاملين( كوثر )