د. كمال عبد القادر يكتب: “أمسك خشمك”

اذا في واحدة مختلفة مع راجلها او منفصلة عنه وانت سمعتها تصف الراجل باسوأ الصفات وتقول لو بقي الراجل الوحيد في العالم ما برجع ليه.
اوعك تتشوبر وتمشي معاها في الخط نوع هو فعلا ما بستاهلك وزول عواليق ونسونجي
هي بكرة بترجع ليه وبتكلمو بي كلامك فيه اما كلامها هي فسوف يتم اسقاط الزعل عنها وانت ببقي ليك بمبي
دي امور عائليه انت امسك خشمك دا عليك
ولو سمعت سعادتو ينبز في معارضة الفنادق ويقول الشعب لفظهم .
انت ما تمشي في الخط دا وتقول ليه ديل عملاء وصعاليك ولو رجعوا ناكلهم بي السنون.
دي خلافات عائلية امسك خشمك لانو الاسبوع الجاي بتاع ماعدا المؤتمر الوطني واسقاط التهم عن الجماعة وعمك برجعهم ويكلمهم بي كلامك
وببقي ليك بمبي
امسك خشمك