أسامه عبد الماجد يكتب: اعادوها “حمرة عين”
¤ اعادوها.. ود مدني السني الى حضن الوطن.. (منارة) و(حضارة)، عاصمة الجزيرة (الخضراء) خالية من (الخبثاء).. من الاوغاد الذين اغتصبوا (النساء)، وقتلوا (الأبرياء).. طاهرة من رجس (العربان)، (الجرذان).. خالية من (المجرمين)، (النهابين).. عادت ود مدني، نغمة على كل شفاة، (مدني الحنان ، مدني الأمان).. مدينة بدون (شفشافه)، و(ناسها)، (قيافه).
¤ وعد الجيش فأوفى.. لأن ود مدني التاريخ و(النضال)، طرد منها مليشيات الكلب (الضال) .. التي أخذت كل شئ حتى (السراير) وعفة (الحرائر).. الحقوا بالجزيرة (الخراب)، ودمروا حتى الاضرحة و (القباب).. يا لها من مدينة (حليوة وبسامه).. اذن دخولها (ابتسامة).. اهلها (اوفياء)، (انقياء).. اصحاب قلوب (بيضاء) مثل القطن، (المزروع) في (المشروع).
¤ مدينة (كفر) و(وتر).. فيها (الطمبور) واهل (تمبور).. هى الحضن الدافئ لكل اهل السودان.. رجعوها (رجالة) و(بسالة).. في ود مدني ، الهلال (ملطشة) والمريخ يتعرض لـ (مذبحة)، ماعندها (كبير) ولو كان (وزير).. عادت مدني حمرة (عين)، بعد قتال (شين) .. (مافي) انسحاب (تكتيكي) سحق لكل (مليشي) و(جنجويدي).
¤ كان سقوط المدينة من أكبر (الابتلاءات) فتح باب الشك في (الولاءات) وتجاة (اللواءات) وحتى (القيادات).. برز سؤال كبير هل حدثت (خيانات) ام هى (خيبات).. كان امر (غريب) و (مريب).. دمرت المليشيا المشروع، جف (الضرع) ويبس (الزرع).. في كل قرية (شهيد) و(فقيد)، وغياب (حبيب) و اصوات (نحيب) ..قويت شوكة (الجنجويد)، واصبح (الفلنقاي) يتحدى (العقيد)، والشفشافي يحتقر (العميد).. والكرام في الاسر مثل (العبيد).. وبات النصر حلم (بعيد).. لكن الجيش قوة و(شهامه) لا عصبة (شماشه) ، دق (سدرو) ودحر اولاد (دقلو).. دور (حديدو) وامس كان يوم (جديدو).
¤ جيش قوقو جيش مابتقدر.. نصب (الكماين) وحرر (الرهائن).. جيش (دواس) من (ود العباس).. جيش (نار)، حرر سنجة و(سنار).. معاه هيئة (العمليات) و مجموعة (الحركات)، (مجاهدين ومستنفرين).. وناس (ابوطيرة)، (البفكوا الحيرة).
¤ ومهما يكن من امر.. مدني عهد (جديد) مثل ايلا (حديد).. خرج كل (السودان) مدن و(فرقان)، (فرحان).. ولا مكان لجنجويد (رباطة) او (قحاته).
* الاحد 12 يناير 2025
osaamaaa440@gmail.com
