د. كمال عبد القادر يكتب: من جماعة إبستين

أحد معارفي طلب مني مساعدته في كتابة ايميل مختصر بالانجليزي يقول:
لقد كانت ليلة جميلة وانك كنت رائعاً
عند استفساره
قال: انه يريد تزوير ايميل من جفري ابستين الي شخصه
قلت له: ان ابستين مات زمان والايميل بكون اتقفل ثانيا الجماعة بتاعين ابستين انت عارفهم شنو
قال لي: دا مربط الفرس ذاتو.. الجماعة ديل الايام دي سوقهم حار وقالو مبعوث الامم المتحدة الجديد منهم وطبعا جايانا تعيينات المجلس التشريعي وطبعا ناس عمك ديل معروفين بيرضو المجتمع الدولي وانا داير ادخل ممثل للجماعة
قلت ليه: لكن الناس عارفاك ما كدا وممكن يكتشفو التزوير
قال لي: يازول الحكاية دي الناس دخلو بيها امريكا واوربا وروقو انت مستكتر علي ادخل بيها المجلس التشريعي
قلت ليه: كان غالطوك
قال لي: كان غالطوني بقول ليهم انتو بتعرفو اكتر من ابستين
قلت ليه: يازول انتخابات بس